صندوق لافف على الحارات ، بيضم كل الولاد ، كلهم قاعدين و مبحلقين في عدساته ، شبابيكه فاتحة على الدنيا الف باب، و عم ايوب بيلف عجلة الصندوق ، بيحكي الحكاية كل مرة بنفس الهمة .....
عَجَل عَجَل عَجَل ...
عمال يلف و يدور ، ومتزوق بشريط بلاستيك ملون، يبهر العيون، ولاد كتير متجمعين و اللي يقدر يأجر يجي و يتفضل .
عم عبده العجلاتي عامل شغل على مية بيضا،، مزوق العجلة من دول عشان تشد الزبون ، و العيل يا ولداه يطب ما يقدرش يقاوم ،و يجري على ابوه عاوز ايجار العجلة.
و اتفرج يا سلام ..!!!
تليفزيون داير و مابيلقطش غير المزازيك و حكاوي ماليهاش طعم , بس المهم تسد الجوع و لا تشبعش ..
و اتفرج يا سلام ..!!!
باب متوارب وراه ابلتي فايزة و ابلتي امال ، معاهم سبرتاية و فناجان فاضي و بن محوج من مطحنة عم طاهر ، و حكاوي ما بتنتهيش عن فلانة و علانة و الحاجات و سعرها . فنجان يتملي و يرجع يفضى ..و الحكاوي مابتنتهيش .
و اتفرج يا سلام ..!!!
ترررريم تررريم ..
شفا و خمير يا عرقسوس ...
صاجاتة ترررررررررن , و عرقسوسه الساقع ابو تلجاية. الله عليه يروي بصحيح في الحر ده ، و يهدي صدر العيال بعد الجرى و التنطيط ، يشطف الكباية ،و ينطر مية الشطف على الارض ترطبها ، لاجل ينوبها من الطراوة جانب ..
لكن مفيش غير نقط عرقه نازلة على جبينه ، و عروق رقابته منطورين من المنادية .
شفا و خمير يا عرق سوس ..
و اتفرج يا سلام ..!!!
وفوق وقفت "هنا" ، عروسة جديدة بتنشر غسيلها الفوللالي ، فراحانة بنظافته و بتوفيرها ، ماهي غسلت بالتُمن كيلو .. على الله المهية تكفيها مسحوق غسيل بس ..
و اتفرج يا سلام ..!!!
وواقف ع الناصية شباب زي الورد ، ساندين ظهورهم على العمود , و غيتهم التقليب في الموبايل و الرنات للمطرب الفلاني و العلاني ، و اللي اتحرك فيهم جاب كورة و اداها لعب ..
و اتفرج يا سلام ..!!!
و فرارجي بيهش و ينش ، مستني اللي يطلب ، بدارى و عتاقي ، الحلو .. يا حلو ..
عَجَل عَجَل عَجَل ...
عمال يلف و يدور ، ومتزوق بشريط بلاستيك ملون، يبهر العيون، ولاد كتير متجمعين و اللي يقدر يأجر يجي و يتفضل .
عم عبده العجلاتي عامل شغل على مية بيضا،، مزوق العجلة من دول عشان تشد الزبون ، و العيل يا ولداه يطب ما يقدرش يقاوم ،و يجري على ابوه عاوز ايجار العجلة.
و اتفرج يا سلام ..!!!
تليفزيون داير و مابيلقطش غير المزازيك و حكاوي ماليهاش طعم , بس المهم تسد الجوع و لا تشبعش ..
و اتفرج يا سلام ..!!!
باب متوارب وراه ابلتي فايزة و ابلتي امال ، معاهم سبرتاية و فناجان فاضي و بن محوج من مطحنة عم طاهر ، و حكاوي ما بتنتهيش عن فلانة و علانة و الحاجات و سعرها . فنجان يتملي و يرجع يفضى ..و الحكاوي مابتنتهيش .
و اتفرج يا سلام ..!!!
ترررريم تررريم ..
شفا و خمير يا عرقسوس ...
صاجاتة ترررررررررن , و عرقسوسه الساقع ابو تلجاية. الله عليه يروي بصحيح في الحر ده ، و يهدي صدر العيال بعد الجرى و التنطيط ، يشطف الكباية ،و ينطر مية الشطف على الارض ترطبها ، لاجل ينوبها من الطراوة جانب ..
لكن مفيش غير نقط عرقه نازلة على جبينه ، و عروق رقابته منطورين من المنادية .
شفا و خمير يا عرق سوس ..
و اتفرج يا سلام ..!!!
وفوق وقفت "هنا" ، عروسة جديدة بتنشر غسيلها الفوللالي ، فراحانة بنظافته و بتوفيرها ، ماهي غسلت بالتُمن كيلو .. على الله المهية تكفيها مسحوق غسيل بس ..
و اتفرج يا سلام ..!!!
وواقف ع الناصية شباب زي الورد ، ساندين ظهورهم على العمود , و غيتهم التقليب في الموبايل و الرنات للمطرب الفلاني و العلاني ، و اللي اتحرك فيهم جاب كورة و اداها لعب ..
و اتفرج يا سلام ..!!!
و فرارجي بيهش و ينش ، مستني اللي يطلب ، بدارى و عتاقي ، الحلو .. يا حلو ..
اصل الحلو للحلوين ...
و اتفرج يا سلام ..!!!
و عسكري في الاشارة ، ماسك قلم ودفتر ،و حافظ تمام القانون الجديد ، و بيورينا شطارته في التسميع و التنفيذ .
و اتفرج يا سلام ..!!!
ولاد رايحين جاين، ملمومين على عم ايوب عاوزين يسمعو الحكاوي ، و يحطوا المعلوم في كوزه الصفيح .
و يقوم عم ايوب ،يلفح الصندوق على ظهره ، و يلف بيه الحواري ، و وتلف بيه الدنيا ..
و اتفرج يا سلام ع الدنيا و صندوق الدنيا ..!!!
و عسكري في الاشارة ، ماسك قلم ودفتر ،و حافظ تمام القانون الجديد ، و بيورينا شطارته في التسميع و التنفيذ .
و اتفرج يا سلام ..!!!
ولاد رايحين جاين، ملمومين على عم ايوب عاوزين يسمعو الحكاوي ، و يحطوا المعلوم في كوزه الصفيح .
و يقوم عم ايوب ،يلفح الصندوق على ظهره ، و يلف بيه الحواري ، و وتلف بيه الدنيا ..
و اتفرج يا سلام ع الدنيا و صندوق الدنيا ..!!!
هناك 8 تعليقات:
بسم الله
اول زيارة لي فى مدونتك الجميلة
بجد اسلوبك فى الكتابة عجبنى اوى
"
باب متوارب وراه ابلتي فايزة و ابلتي امال ، معاهم سبرتاية و فناجان فاضي و بن محوج من مطحنة عم طاهر ، و حكاوي ما بتنتهيش عن فلانة و علانة و الحاجات و سعرها . فنجان يتملي و يرجع يفضى ..و الحكاوي مابتنتهيش .
و اتفرج يا سلام ..!!!
"
سعدت بزيارة مدونتك
أحمد الصباغ
بسم الله
اول زيارة لي فى مدونتك الجميلة
بجد اسلوبك فى الكتابة عجبنى اوى
"
باب متوارب وراه ابلتي فايزة و ابلتي امال ، معاهم سبرتاية و فناجان فاضي و بن محوج من مطحنة عم طاهر ، و حكاوي ما بتنتهيش عن فلانة و علانة و الحاجات و سعرها . فنجان يتملي و يرجع يفضى ..و الحكاوي مابتنتهيش .
و اتفرج يا سلام ..!!!
"
سعدت بزيارة مدونتك
أحمد الصباغ
صورتى الغاليه
بوست رائع جدااا
واكثر حاجه عجبتنى فيها انه أحتوت على أكثر من مشهد من حياتنا ..
منها اللى ذكرتيه للنقد الغير مباشر .. ومنها اللى ذكرتيه للرؤيه الأوضح فقط ..
تحيتى لكِ يا اختى .
وفى انتظار جديدكِ دائما
شكرا يا احمد على زيارتك العزيزة لمدونتي ، و ده شرف كبير ليا ، و يارب تكون من متابعي مدونتي دايما ..
شكرا و ربنا يوفقك ..
غاليتي ضي القمر ..
ماتحرمش منك ابدا ..
صندوق الدنيا رجعتينى معه لورا ايام ماكنت صغيره كنت بشوفه بس فى التلفاز
و كنت بقول هو فعلا بيشوفه الدنيا؟؟
مشاهد رغم انها صغيره لكنها فعلا من الحياه
صورة احييكى على اسلوبك اللى بجد بيعجبنى فى الكتابه
تحياتى (:
شيمو حبيبتي ..
مرسي جدا على التعليق الجميل ده , و شكرا لانك منورة مدونتي دايما .
و على فكرة كلامك ده شجعني اطلع اللي عندي ، بحضر فكرة جديدة ، ادعيلي بس ربنا يفتح عليا، و طبعا انت اول الناس اللي هيعرفوا ..
ان شاء الله ربنا هايفتح عليكى
بس بسرعه بقى شوقيتنى (:
بجد ياصورتى فعلا كلامى مش مجامله انا فعلا لما بدخل المدونه بتاعتك بحس انى انعزلت عن العالم دا ودخلت عالم تانى
عالم بتمنى انى افضل فيه
و الحمد لله انى هابقى من اول الناس اللى تعرف
اتمنى دائما نتواصل
بحبك فى الله (:
إرسال تعليق