حالة وجود .....

اشعة شمس متلألاة في نهار احدى ايام شهر مارس ..
كرة الثلج المتدحرجة على جبل من الجليد ..
خيوط فضية رسمت في السماء في ليالي القمر المكتمل ..
ما يخلفه بداخلك ايس كريم المانجو و رمال الشاطئ و مياة البحر مدغدغة اقدامك برقة ..
رفرفات الفراشة عند مصباح منير ..
نسمات هواء متلاحقة تدفع بشراع احدي فلوكات النيل ..
زمجرة اطارات السيارات على الطريق في ليالي السباقات المرحة ..
زخات العطر المتناثر في الهواء ..
هواء ساخن في البالون ..
رقصات متعالية و اقدام تكاد تلامس الارض في خفة ..
ضوء منير في نفق مظلم طويل قاتم ..
شمعة برائحة الفواكة تنير و تمطرنا بعبير الفواكة ..
ورود حاكت فستانا لاجمل الاميرات ..
مخفوق الفراولة اللذيذة ..
السمكات الفضية المتألقة في القصص المصورة ..
فقاقيع الصابون التي تتناثر في الهواء ..
لسعة معجون الاسنان ذو النعناع الحار في اللسان ..
ماء بارد يطفىء الظمأ ..
طقطقة اصابع الايدي المتشابكة ..
بل الحوريات ذات الضفائر الطويلة التي تلمس اقدامهن ، ويحملن في ايديهن زنبق الماء كما في الروايات الاسطورية ..
و اخيرا احدى اميرات افلام الرسوم المتحركة ..



مجرد وجودي بجانبك يبقي تلك الاحاسيس بداخلي ..
انفاسك نبض حياتي ..
احتاج دوما لسماع " امي " من شفاهك ..
احتاجك لأعيش ...

هناك 27 تعليقًا:

محمود حسن العدل يقول...

كالعادة
بتبهرينا باجمل الكلمات والاحاسيس


رقصات متعالية و اقدام تكاد تلامس الارض في خفة ..
ضوء منير في نفق مظلم طويل قاتم ..
شمعة برائحة الفواكة تنير و تمطرنا بعبير الفواكة ..
ورود حاكت فستانا لاجمل الاميرات ..
مخفوق الفراولة اللذيذة ..
السمكات الفضية المتألقة في القصص المصورة ..
فقاقيع الصابون التي تتناثر في الهواء ..
لسعة معجون الاسنان ذو النعناع الحار في اللسان ..
ماء بارد يطفىء الظمأ ..
طقطقة اصابع الايدي المتشابكة ..
بل الحوريات ذات الضفائر الطويلة التي تلمس اقدامهن ، ويحملن في ايديهن زنبق الماء كما في الروايات الاسطورية ..
و اخيرا احدى اميرات افلام الرسوم المتحركة

بالله عليكى اية ممكن يتعلق او يتقال على هذة الكالمات اكاد اقسم بالله اننى استمتع وانا على مدونتك واقراء البوست اكثر من مرة وفى كل مرة اجد لذة اجمل من قبل وكائننى اقرئة لاول مرة .
سيدتى فااقل القليل ان اطلق عليكى اميرة التدوين
فكل من يعرفك يتمنى التقرب الى مدونتك حتى ترفعنا معها الى منزلة القمر.
تحياتى اختى

أمل حمدي يقول...

الله يا صورة
عشت في لوحة جميلة رسمتيها بكلماتك المتناسقة المعاني
احلى كلمة فعلا هي امي
هذه الكلمة اعشقها
ربنا مايحرمنا من ابنائنا ويهديهم اللهم امين
تسلم ايديكي يا صورة

ضــى القمــر يقول...

صورتى

تعليقى أتأخر المرة دى .. لكن سماح بقه احنا فى رمضان ..

بوست مختلف وغريب .. لكن له مذاق خاص :)

وجماله أنك وصفتى احساسك زى ما بتعيشه بالظبط .. ولأنى اعرفك كويس .. عارفه صدق احاسيسك دى ..

وخاصة لسعة معجون الاسنان ذو النعناع الحار في اللسان ..ههههههه

عارفه أنك دايما بتفكرى وتستمتعى بحاجات غريبه جداااااااا

صورة

رووعه حبيبتى ..
بجد سلم قلمك واحساسك الجميل :)
اجمل تحيه من قلبى لكِ يا قمرى :)

Sourah يقول...

اخي الفاضل محمود ..

الله يكرمك يا اخي على تعليقك الجميل ده .
"اميرة التدوين " مش ملاحظ انها واسعة عليا اوي :))

شكرا لتواجد المستديم في مدونتي ..

آه على فكرة .. مش عارفة مدونتك مقفولة ليه ، يعني كل اما اجي ادخلها يقوللي انت غير مدعوة للقراءة :((
و دخلي ميلك و الباس وورد باعتباري احدى المسموحين له باالقراءة ، ابقى شوف الموضوع ده ، الكلام ده من امبارح بعد ما نزلت البوست على طول .

Sourah يقول...

ماما امولة ,,
انت منوراني دايما ، و كلماتك اللي كلها رقة وحنان .

فعلا لو دورنا على اصدق حب ، هنلاقي حب الام لاولادها .

ماتحرمش منك ابدا ، و ربنا يخلليكي و يتقبل منك ومننا جميعا ..

Sourah يقول...

غاليتي ضى القمر ..

الحياة مع عمرو ، تخلليكي تحسسي بكل الاحساسات المنعشة دي ..

ماشاء الله عليه :)) ، ربنا يخلليولي ، و يباركلي فيه ..


--------------------------

((عارفه أنك دايما بتفكرى وتستمتعى بحاجات غريبه جداااااااا ))


هرد عليكي في الحتة دي بالزات و اقوللك ..

الحية حلوة ..
بس نفهمها ...


هههههههه

و اخر الكلام سلااااام

مـجـنـووون يقول...

ما اجمل ما تكتبين سيدتي

أحساس جميل ومشاعر فياضة بعاطفة الأمومة

حب رباني تنزع منه المطامع وتسموا بالنفس للأرقي أنواع الحب

تقبلي مروري
مجنووون

مصراوى يقول...

هاى اخى اة البست دة بجد جميل بجد بست روعة وفية احساس حلو اوى بل الحياء تحياتى

ShimaaMahdy يقول...

ييييييييييييييه تسجيل تأخير

عااااااااااااا

مش معقول كدا بقى على فكره نفساويتى هاتتعب انا كدا

عااااااااا

******

مش قولتلك لما بدخل عندك بنعزل عن العالم الخارجى وبدخل عالم تانى خالص

احساسك حلو قوى على فكره

********

بس هو كان لازم موضوع عصاير و ميه فى رمضان .. مش معامله دى على فكره

عااااااااا

*******

ربنا يخليلك ابنك يارب

صحيح هو انتى وصلتى لمرحله شد الشعر اللى قولتى عليها قبل كدا ليا ولا لسه D:

اشكرك ياصورتى على بوستاتك اللى دايما بتخلينى اخرج من المدونه حاسه بارتياح غريب (:


تحياتى

(:

SHAPE YOUR LIFE (ABOALI) يقول...

من اجلك اغزل اجمل الكلمات
من احساسيك غارت حروفى
من عذوبة همساتك
تدفقت دماء قلبى
تروى ظمأ شراينى
عجزت عبارات
الضم والفتح والكسر
عن تشكيل حبى ليكى
فهل انتى صورة"
فعلا
ام انتى نور ملاك"
طاف ووضع ضيائه
لارى سجر عينايكى
اعذرينى سيدتى
ان طلبت صورتكى
وعلقتها فى صمام قلبى
حارسا" لى طول حياتى



تحياتى لك ياصورة على بلاغات المعانى وحسن تصويرها

Sourah يقول...

مجنون ..

شكرا لكلماتك الرقيقة ، و اسعدني تواجدك في مدونتي ..

Sourah يقول...

مصطفى عالم الحب

شكرا يا مصطفى لمرورك ..

Sourah يقول...
أزال المؤلف هذا التعليق.
Sourah يقول...

حبيبتي شوشو

و الله ماتزعليش ، لان ده مش تأخير خالص ، و على فكرة انت من الناس اللي بستنى تعليقاتهم . فاطمنى و مكانك محجوز ..

شكرا على كلامك الحلو ده اوي ، و يارب يسمع منك و يخلليهولي ..

و على فكرة حكاية شد الشعر و هو في السن ده مش على طول ، يعني ساعات ساعات ..

ماتحرمش منك ابدا .. و دايما منورة بوستاتي ..

Sourah يقول...

ابو على ..

شكرا لكلماتك الجميلة التي زانت مدونتي بها..

تقبل تحياتي ..

غير معرف يقول...

أحساس تحفه بجد انتي فعلا فنانه علي الصوره المعبره دي
بشكرك كتير و يبخت ابنك بيكي بكلماتك الي اكتر من رائعه

ربنا يخليلك عمــــرو
هو اكيد يستاهل الكلام الحلو ده

كلام حسام يقول...

ونحن في اشد الأحتياج لتنفس كلماتك كي نحيا

Sourah يقول...

ليوذا ..

و الله ده كتير ، تعليق في البوست ده و اللي فات كمان مرة واحدة ، حد يقوللي النهارد ايه في ايام ربُنا عشان اسجله في النتيجة بتاعت الموبايل :))

نورتيني يا حبيبة قلبي ، و ماتحرمش منك ابدا ، و بعدين تعالي هنا ،
ايه اللي بتقوليه ده ، يعني ايه يا بخت عمرو بيا ،
طيب ما هو يا بختة بيكي يا خالتو الف مرة ، ربنا ما يحرمناش منك ابدا يا" خوتٌو " زي ما هو بيقول :))


نورتيني بجد ..

Sourah يقول...

كلام حسام

شكرا لك ..

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف المسار

كوارث يقول...

جميل جدًا
في البداية بحثت عن رابط بين الجمل
وبصراحه استمتعت بكل جملة فيها , تعابير جميلة جدًا
بس السر انكشفٍ وبان في الآخر بقه
ربنا يخليلك اولادك ويباركلك فيهم ويخليكي ليهم

مصراوى يقول...

هااى انا مبسوت لقينى انا دلواقتى حسيت انك اخوية بجد وانا نزلت بست جديد ولله يا اخى هيعجبك بس ليس لوحدى مشترك فى هذة البست انا وناس قريبى تحياتى

أبو خالد يقول...

أبنتي الحبيبة الغالية/صوره
الزيارة الأولي و لن تكون الأخيرة فلقد بهرني اسلوبك الراقي و كلماتك الرقيقة و ألفاظك السلسة و أدعو الله العلي القدير أن يجعل أبنك أبنا بار و يجعله من حفظة كتاب الله
بلا شك أم مثلك ستجعل هذا ممكنا
دمتي أبنتي الحبيبة مبدعة

Sourah يقول...

بيرم المصري..

انتظر تواجدي بمدونتك .
و شكرا لمرورك ..

Sourah يقول...

اخي الفاضل / طارق

شكرا على تعليقك ، و انشاء الله لما تخلف تحس بكل ده و تعيشه ..

نورت المدونة ..

Sourah يقول...

عالم الحب ..


هااى انا مبسوت لقينى انا دلواقتى حسيت انك اخوية بجد وانا نزلت بست جديد ولله يا اخى هيعجبك بس ليس لوحدى مشترك فى هذة البست انا وناس قريبى تحياتى

----------------------

و الله انا كمان مبسوطة انك نزلت بوست جديد، و وام روحت شوفته ، بس ما كتبتش التعليق بتاعي ، لانه كان عاوز تركيز في التعليق ، هتلاقي تعليقي عندك قريب على البوست، شكرا ليك و شكرا لمن ساعدوك فيه ..

Sourah يقول...

ابي الفاضل / ابو خالد

مدونتي نورت فعلا بوجودك ، و بكلماتك الجميلة ..
شكرا الك يا ابي.
و ربي يتقبل منك دعاءك لي ، و يجعل قرة اعيننا في اولادنا ..آمين