هكذا انقضت تلك الليالي المباركة، ومرت كالاطياف ، عن قريب اذكر انني تمنيت شهرا كريما لاصدقائي و احبائي عبر مدونتي،،،
و مرت عجلة الزمن بسرعة ، فهذه هي سنه الحياة مع الاوقات الجميلة ، و الضيف العزيز ،،،
اعزائي ..
لو تفحصنا حال الناس في رمضان ، الكل متسامح ، فالانسان يغفر الهفوات و السقطات لاخيه الانسان، سيل من الخيرات يغدق به كل كريم على نفسه و على من حوله .
حسنات حسنات حسنات..
شهر الكرم مسماه ، و الطيب و الجود فحواه ، و رضا الله مسعاه ...
فلما لا يكون كل ايامنا رمضان ، كلنا نراقب الله ، نطلب وده ،نتمنى رضاه ، تأبى جوارحنا ان تعصي الله ، نفوسنا ذاهبه اليه ؟؟!!!
هل لسلسلة الشياطين سبيل في ذلك ؟!!
ام لجام مراقبة الله و الخوف منه هو من يلجم انفسنا عن فعل المعاصي !!..
ما السر في وجود السكينة بين الارواح ؟!!!
ما السر وراء البسمة التي تطل من شفاة كل صائم ؟!!
ما السر في سريان الطمأنينة بالقلوب ؟!!
ما السر في استشعار قرب الله تعالى منك ومنى ؟!!
ما السر في كل ذلك الخير بهذا الشهر ؟!!
يقول الله تعالى ..
وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالأرْضِ وَلَكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ ( الاعراف الاية 96 )
استوقفتني تلك الاية كثيرا ، فبها قد املك الدنيا و الاخرة، بها أقتني مفاتيح رزقي و سعادتي في الدارين بإذن الله تعالى ، قد كان تدريب عملي على مراقبة الله وتقواه استمر ثلاثون يوما ، و اثاره تمتد لما بعد ذلك ، تدريب يجتازه الكل موفقا مثابا فرحا باذن الله ، فرحا بصومه و عمله المقبول . تلك البركات التي تعم الرجل و المرأة و الطفل ، الفقير قبل الغني ، الكبير و الصغير ، ، الصحيح و العليل ، كل مسلم شهد ذلك الشهر و صامه ايمانا و احتسابا لله تعالى ..
احبائي اخوتي في الله..
كل عام و انتم بخير ، و ادام الله ايامكم سعيده برضوانه تعالى ، و فرّحكم يوم عيدكم بقبول صومكم، و سعيكم لنول عفو الله ..
ثم تنهد وقال
قبل أسبوع واحد
هناك 50 تعليقًا:
أول تعليق .. مش ممكن :)
صورتى الجميله
كل عام وانتى بخير يا قمر .
بوست جميل جداا بجد ..
أجمل تحيه لكِ يا اختى
عيد سعيد عليكِ وعلى كل من حولكِ ( طبعا اللى هما أحنا .. هههه )
كل سنه وانتِ بصحه وبطيبه وبخير حبيبتى
كووووول سنه وانتي طيبه ياقمر
ومش عاوزين بالفعل اللي اخدناه في رمضان يروح
عيد سعييييييييد ياقمر
السلام عليكم ورحمة الله وبركاتة
بارك الله فيكى
ورزقك بالذرية الصالحة وادام عليكى حياة الرخاء فى الدنيا والاخرة .
وجزاكى الله خير عما تذكرينا دائما به
فادائما اشعر وان بوستاتك كالشمعة التى تنير لنا الطريق .
لتذكرنا دائما بالطريق الصحيح
كل سنة وانتى طيبة والف خير وسلامة انتى واسرتك الكريمة .
اخوكى / محمود العدل
تحياااااااااااااااااااااااااااااااتى
اللهم ثبتنا بعد رمضان
وكل سنه وانتى طيبه
كل سنة وانتى طيبة ياجميلة وان شاء الله طاعتنا تستمر لما بعد رمضان وتظل ملازمة لنا فى جميع تصرفاتنا
ويارب يكون عيد سعيد علينا جميعا
كل سنه وانتي طيبه يا حبيبتي
يارب يكون اتقبل منا اعمالنا في الشهر الكريم
وعيد سعيد عليكي
رمضان
الراء رحمة
الميم موده
الضاد ضمير
الالف ايمان
النون نصر
ايه رايك مش ترتيب منطقى برضوا
اللهم ماتقبل
وارجع لنا رمضان
اعوام بعد اعوام
وجعلنا فيه من المقبولين
و برؤيتك متمتعين
وبرسولك مقتدين
تحياتى
عيد سعيد
كل عيد وانت طيبة وبخير
اللهم بلغنا رمضان المقبل يارب
وكل عام واسرتك بخير
رندا
غاليتي ضي القمر
كل سنة و انت طيبة و اسرتك الكريمة بخير
و دايما منوراكو في العيد طبعا ههههههههه
كل عيد وانت طيبة يا صورة يا حبيبتي
ربنا يتقبل منك ويعيده عليكي اعوام
واعوام بالخير والطاعة
اللهم امين
ازيك ياصورة
كل سنه وانت طيبه
عيد سعيد يارب
يمكن عندك شويه من الحق فى الل بتقوليه
لكن كمان معرفش ليه حسيت ان الناس بتبقى عصبيه اكتر وهى صايمه
الكل بيشد ومفيش حد طايق حد
حسيت التوتر ده
وشفت برضه لبس البنات لسه شكله غريب
وشفت الولاد لسه بتعاكس
حسيت انى بسال نفسى
ليه مش حاسه ان رمضان جه؟!!!!!!!!
على اى حال ربنا يهدى
ويصلح لك الاحوال
كل سنه وانتى طيبه
كيارا..
و انتييييي طيييييييبة ياااا قمراااايييااا..
و انشاء ربنا يتقبل منا جميعا
اخي الفاضل محمود .
كل سنة و انت طيب و بعودة الايام ، و انشاء الله العيد الجاي نعيد عليك و نباركلك على بنت الحلال اللي بتتمناها ..
blue wave
كل سنة و انت طيب و سلامي للاسرة الكريمة ..
موناليزا ..
كل سنة و انت طيبه يا حبيبتي، و بعودة الايام ، وربنا يتقبل مننا جميعا ..
ليوذا حبيبتي ..
كل سنة و انت طيبة يا عمري ، و انشاء الله العيد الجاي نباركلك على ابن الحلال اللي يستاهلك و يقدرك ..
اخي الفاضل ابو على
كل سنة و انت طيب و بعودة الايام ، كلماتك اكتر من رائعة، و نورت البوست بتاعي ..
تقبل تحياتي
راندا حبيبة الكل
يااااااااه اخيرا شوفت عندي ، من زمان مانورتيش مدونتي ، كل سنة و انت طيبة يا حبيبتي ، و عيد سعيد عليكي و على كل المدونين ,,
حبيبتي ماما امولة ..
نورتي المدونة و كل سنة و انت طيبة ، و اسرتك الكريمة بخير و الف سلامة
حبيبة حبيبتي ..
نورتيني و الله ، وكل سنة و انت طيبة و عيد سعيد دايما و الله ..
وعلى فكرة الناس بتبقى عصبية في رمضان لانهم مش متعودين على الصيام
لانه في البداية معدل السكر في الصيام بينزل و ده بيسبب العصبية ، لكن لو منعودين هيكون عادي بالنسبة ليهم ، اما بالنسبة للبس البنات و معاكسة الولاد ، فده مش هيروح في يوم و ليلة ، امال فين مجاهدة النفس ، عموما الواحد بعمل محاولات لتغيير من حوله ، و ربنا هو المعين و هو اللي بيتقبل من عباده ..
كل سنة و انت طيبة مرة تانية ، و ياريت تنوريني على طول ..
تصويرتى الرقيقه احساسك بانتهاء الشهر ونفحاته عالى قوى وده مش غريب عليكى ..لانك بصراحه ربنا اكرمك بكتله من المشاعر والاحاسيس
اى حد بيلاحظها ...
صوره كل سنه ورمضان يجىعليكى بكل خير وربنا يجعل ايامك كلها مع ربنا مليئه بنفحات الشهر الكريم...
وربنا يثبتك ويثبتنا على الطاعه..
وكل سنه وانتى واسرتك الجميله وزوجك وابنك بالف خير وسلام وصحه وستر
ويا رب تبقوا سبب فى دخول بعض للجنه زمرا ان شاء الله تعالى...
بحبك جدا فى الله...
ووالله روحك خفيفه على قلبى وحاسه انى اعرفك من زمان
ربنا يكرمك ويسعدك فى كل من تحبين...
وسلامى وبوسه كبيره لابنك ربنا يبارك فى عمره ويفرحك بيه دنيا واخره..
ويتربى على طاعة الله وحب الغير
اللهم امين
اللهم امين...
اختك المحبه ام بيرو..
وعيد سعيد يا تصويره الجميله النقيه...
شوفى يا تصويره انا محبتش اجيب سيرة عبدالرحمن رحمة الله عليه..ويا رب يبقا سبب فى دخولك الجنه جزاء صبرك على فراقه
بس انا خلصت التعليق ورجعت ااقرا اجابة التاج تانى
ومعرفش حسيت انى عايزه اشاركك فى اول احساس جالى لما قريت ان كان ليكى ابن وتوفاه الله ..انا قلت المره اليى فاتت هسكت مينفعش ااقرب من النقطه دى ربنا يصبرها
بس يا صوره ده احساسى من اول ما ربنا رزقنى بابنى ان ممكن ربنا يسترد امانته فى اى لحظه ..ربنا يبارك فى عمره وحياته ..
بس انا عايشه وصاحيه قايمه بالهاجس ده
وكتير بفضل جنبهباليل اراقب نفسه واسمع نبضات قلبه انا نفسى اتغلب على الموضوع ده وااقدر اتطرده من دماغى
بس صحباتى بيقولولى ده طبيعى عشان الظروف اليى انا فيها
ولان ربنا استرد منى امانتين قبل كده
بالرغم انه قبل ولادتهم..انا عارفه انك فى الجزئيه دى فيكى اليى مكفيكى زى ما بيتقال
بس حاسه بيكى ربنا يصبرك
ويا رب رنا يشيلالخوف ده من قلبى لانه فعلا بيوجعلى قلبى ...
انا رغيت كتير وخترفت ياما ..اسفه يا صوره بس حبيت اشركك فى حاجه شبهمشتركه بينا ..
ربنا يصبرك ويعوضك خيرفى ابنك ويباركلك فيه..
حبيبة قلبي محاسن ..
ياللي كل كلامك محاسن ، بجد انت اسم على مسمى ..
كل سنة و انت طيبة و يعيد عليكي الايام و على ابنك حبيب قلبي كلها بصحة و عافية و بال متهني دايما ،،
ماتحرمش منك ابدا على تليقك الجميل على البوست ، و متشكرة اوي من كلامك الرقيق اوي على وصفك لمشاعري . و ده كتير وي اكتر مما استحق ، بس اصلي بحب الخير اوي للناس ، و نفسي اعمل حاجه للمسلمين و للاسلام ، نفسي ربنا يستعملني لخدمة دينه ، و بيفرحني اوي لو لاقيت كلامي اثر في حد و ياااااسلااااام لو عمل بيه ، بطير من الفرحة..
و انا كمان بحبك في الله اوي ، و ربي يعلم انا اد ايه نفسي اقابلك ، و اتعرف بيكي اكتر، ربنا يجمعنا دنيا و اخره في الخير و يجعلنا من اهل لجنة اللي يرضى عليهم ..
و شكرا لدعائك لينا و لابني عمرو ..
و انشاء الله و لك بمثله ..
و انشاء الله ربنا يعوضك عن كل لحظة ألم مرت بيكي ، و يباركلك في ابنك و يجعله بار بيكي بقدر ماهو قرة عينك في الدنيا و الاخرة ..
آمين
ام عمرو الرقيقه صوره الجميله..
اولا بشكرك على اهتمامك بكلاكيعى
ومشاعرى وبشكرك على تقديرك لليى اتكلمت فيه واخدك من وقتك ووقت ابنك وزوجكك عشان تردى عليا الرد المريح والمطمأن ده...
جزاك الله كل خير
وانا اليى كسبت اخت وصديقه جديده
ودى من محاسن التدوين بالنسبه ليا انه عرفنى بحد قلبهنقى وصافى زيك كده
ربنا يكتبها محبه فيه ويجمهنا بظله يوم لا ظل الا ظله...
بشكرك يا تصويره قوى قوى ومن قلبى كمان
وربنا يباركلك فى ابنك وزوجكك وكل من تحبين...
وبالنسبه للتعليق انتى مش تستأذنينى
انتى تنشريه علطول من غير اى استأذان
مفيش استأذان بين الاخوات
وفعلا زى ما قلتى ممكن حد غيرى كمان يستفاد بالموضوع ويفرق معاه ويغير فى حياته للاحسن
بالعكس يا حبيبتى انشريه دلوقتىقبل كمان شويه ..
وربنا يجعله فى ميزان حسناتك
ان شاء الله...
كل سنه وأنتي بألف خير
وربنا يتقبل منا ومنك رمضان
والسنه إلي جايه تحققي كل أحلامك
تقبلي مروري
مجنووون
كل سنه وانتى طيبه ياااااااااااارب
اخي الكريم مجنون
كل سنة و انت طيب و لو انها جت متأخرة شوية :)
اخي الفاضل بطوط
و انت طيب و باحسن حال...
السلام عليكم ورحمة الله وبركاتة
اختى الغالية
صورة
انتى فين من فترة مش نعرف عنك حاجة
ياريت تطمنينا عليكى ضرورى جدا
انتى مش مجرد شخص بيعلق وخلاص
لا انتى اخت غالية اوى اعتز واتشرف انها تكون اختى ..
يارب كلامى يوصلك بسرعة واطمن عليكى
تحياتى
اخوكى / محمود حسن العدل
..تصويره الجميله ام عمرو ...
طولتى الغيبه ايه لو مشغوله مع عمرو وابو عمرو ماشى سماح ...
...
ولو بتتقلى علينا برضه سماح عشان بنحبك...
...
اتاخرتى قوى يا صوره يله ارجعى بقه ببوست جميل ونقى زيك كده
...
ربنا يباركلك فى عمرو وابو عمرو وكل من تحبين
...
وحشتينى جدا يا حبيبتى والله...
ام عمرو
وحشتينى قوى قوى .......
وحياة عمرو طمنينى عليكى
اختك المحبه ام بيرو
أنتهى رمضان
وانتهى العيد وخلاص العيد الكبير قرب
:)
وينك
على المانع خير
ام عمرو طمنينى ربنا يطمنقلبك انتى كويسه وعمرو كويس
ارجوكى انا قلقانه قوى قوى على عمرو هو كويس طب وانتى يا تصويره كويسه يا حبيبتى وزوجك كويس
ربنا ييسرلكم اموركم ويسعدكوا دنيا واخره ارجوكى طمنينى
ارجوكى
اخي الفاضل محمود العدل ..
جزاك الله خيرا على اهتمامك و سؤالك المستديد على تواجدي ، بس و الله اني كنت مشغووووووووووولة لاقصى درجة ممكن تتخيلها .
و اعتذر بشده لعدم استطاعتي متابعة مقالاتك او حتى الرد عليك او على غيرك من اخواتي المدونين .
جزاك لله خيرا، و انشاء الله متابعة للتدوين مرة اخرى و ما اتأخرش كده تاني ..
اختي الجميلة و حبيبة قلبي محاسن
..
وحشتيني مووووووووووت ، وجزاك الله خيرا على اهتمامك و سؤالك الدائم عليا و على عمرو و ابو عمرو، و احنا كويسين الحمد لله ، بس و الله اني كنت مشغووووووووووولة لاقصى درجة ممكن تتخيليها، و انا هتكلم بالتفصيل انشاء الله عن الاجازة الللي قضيتها في مصر اخيرا و عن الحكاوي اللي مرت بيا .
و اعتذر بشده لعدم استطاعتي متابعة مقالاتك او حتى الرد عليك سامحيني، جزاك لله خيرا، و انشاء الله متابعة للتدوين مرة اخرى و ما اتأخرش كده تاني ..
انسان مقيد ..
و انت طيب ،،،
بس نظرا لانشغالي الفترة اللي فاتت مكنتش عارفة انزل حاجه تانية بعد موضوع العيد، عشان كده تلاقي العيد الكبير على الابواب و مفيش حاجة اتغيرت عندي...
ادعيلي ربنا يفتح عليا و اعرف انزل حاجه جديدة قبل العيد ..
شكرا لمرورك و تعليقك ..
طب امعمرو ردت على التعليقات افهم يا تصويرتى انك كويسه وبخير بأذن المولى عز وجل
وحشتينى يا حبيبتى والله
وكنت قلقانه على عمرو بشده ربنا ما يحرمك منه ابدا
ويباركلك فيه ان شاء الله
طمنينى عليكى
ربنا ما يحرمك من احبابك ابدا يا حبيبتى
تصويره
العيد الكبير بكره كل سنه وانتي طيبه بس الغيبه طالت أوي كده
:)
عيد سعيد ان شاء الله
يا حبيبتى قلقتينى عليكى
يا رب تكونى واسرتك وعمرو بالف خير وسلام
وبكل صحه وستر
وكل عيد وانتوا بافضل حال
تصويره طمنينى عليكى يا حبيبتى
تقبل الله منا ومنكم
وكل عام وانتم بخير
السلام عليكم ورحمة الله وبركاتة
اختى الغالية
لا اجد مااقوله غير حمد الله على السلامة انا النهاردة بالصدفة شفت تعليق لحضرتك بصراحة انا فرحت جدا لعودتك
ولا املك غير ان اقول اننا جميعا وباسمى انا شخصيا غاضب جدا بسبب غيابك عنا
اخوكى / محمود العدل
تحيااااااااااااااااااااااااااااااااااتى
اخي الفاضل محمود
و عليكم السلاااااااام و رحمة الله و بركاته،
و متشكرة جدا على اهتمامك و سلامك ، و كل عام و انت بخير ..
وعلى فكرة حاولت كتير ادخل مدونتك بس كل اما احاول افتحها يقوللي للقراء المدعويين فقط ، مش عارفه ايه الحكاية؟!!
ارجو المعذرة لغيابي اللي انا اصلا مش لاقياله تفسير غير شوية انشغالات، و اعذار وحجج في رأيي واهية..
عموما انشاء الله هتابع من تاني ، وربنا يعنينني انشاء الله ..
اتمنى للجميع عاما سعيدا ، و اياما مباركة ..
اختى الغاليةصورة
فى اية انا عرفت بالصدفة ان ربنا كرمك بعمرو
ربنا يكرمك فية يارب
بلاش بقى نقولك صورة
نقولك ياام عمرو
بجد انتى تركتى فراغ كبير اوى
ومازلنا غاضبين بسبب غيابك
تحياااااااااااااااااااااااااااااااااتى
ام عمرو وحشتينى ومش هقولك غير كده ويا رب تكونى وابنك وزوجك واسرتك فى افضل حال
اختك محاسن
وحشتينى يا حبيبتى قوى
حبيبتى حبيبتى حبيبتى
وحشانى وقلقانى عليكى جدا يا ام عمرو
انت فين وحشتيني
طمنيني عليكي
يارب خير
كول دي غيبه ياصوره ارجعي بقي
كتبتلك تعليق كبير كبير كبير بحجم حبى وقلقى عليكى وعلى عمرو ابنك والنت بخل عليا انه يبعته
ارجوكى طمنينى عليكى
اختك محاسن
جيتي علي بالي ناو جيت اسلم عليكي واقولك انك وحشتيني :)
كل سنة وانتي طيبه :)
ليك وحشه جامده جامده جامده ودايما شاغلنى انتى اخبارك ايه واخبار ابنك ايه
يا رب تكونوا بافضل حال
ربنا يباركلك فيه ويباركلك فى كل من تحبين
وحشتينى جدا جدا يا تصويره
رمضان كريم عليكى يا حبيبتى وعلى كل من تحبين
يا رب تكونى بأفضل حال
إرسال تعليق